اهلا وسهلا في موقع القوس الجديد
 |
عنجد ولا عم يتهيئلي؟
اه عنجد عنجد احنا هون, بعد 60 اسبوع و 6 ايام من الشغل على الموقع (مع كثير استراحات في النص), 30 جلسة عمل (وكثير قهوة وشاي), 500 ايمييل (ولا يعد من اسطر التشات), 40 الف تلفون ومليون اوف واوف... بس مين عم بيعد....
شكرا على صبرك وهلق احنا بحاجة الى ط اQ ات:
الصورة حلوة؟- اه بنعرف – شكرا - ولا مش عجباكي؟ مش مشكلة: بكرة, 10 الصبح, انت والكاميرا, برا او جوا, فوق او تحت – كليك, كليك وكمان كليك وابعثها على هذا العنوان: webmaster@alqaws.org وممكن انه ننشرها بدل الصورة الحالية وممكن لا
شو مع تصميم الموقع؟ شو معو؟ ايش مالو؟ كثير ملون؟ مش ملون كثير؟ ناقصه touch? رمادي شوي اكثر من اللازم؟ طيب شو يعني؟... بس احنا بنحبه, ومحمد اشتغل عليه كثير... يالا بعد سنتين انشالله التصميم الجاي بيكون على ذوقك (قال بيقولوا ان كل موقع لازم يجدد تصميمه كل سنتين ؟؟؟)
بس بيناتنا, شو مع المضامين؟ قرات عن القوس؟, شفت زاوية الهوية الجنسية؟ زرت زاوية الادب (اه بنعرف انه بعدها فاضيه).... اذا بعدك روحي افحص بنستناك. اه رجعت؟ قرات شوي؟ اوكي,