قدّ ما بتشكّل عنّا قلق مع كلّ موقف منحسّ فيه بالتهديد أو الخوف كأشخاص ترانس أو مثليين أو بايسكشوال، سواء كان تعليقات أو نظرات أو اعتداءات أو هواجس عن المستقبل؛ بصير القلق كتير مرات جزء من شعورنا العام ومنحمله معنا بكل وقت ومكان، حتى لو فش اشي مباشر يحسّسنا فيه.

مليان أشياء حولينا تخلقلنا قلق كتير: أسرارنا اللي ما حدا بعرفها، تعامل الناس مع مظهرنا وشكلنا، الشرطة والجيش والحواجز والهدم، وغيره كتير. والاشي طبعًا ببيّن عجسمنا وصحّتنا زي وجع بالمعدة، تعرّق، سَرَحان مستمرّ، ضيقة نَفَس، وغيرهم.

عشان هيك مش لازم نضل لحالنا بهذا الشعور الي مهم نشاركه ونتساعد بالاخرين عشان نخففه.

كل هاي المظاهر عن القلق بتحكي عنهم حلقة من القصص المصوّرة (كوميكس) "ترويحة"، شوفوها هون.

وعن نفس الموضوع كتبت إليانا عاصي نصّ على موقع جيم.

وهذا النص، كمان على موقع جيم، بتحكي فيه الكاتبة عن رحلتها مع القلق وبتربطه بالتمرد على معايير المجتمع.

وعشان منرتاحش نحكي عن قلقنا بأي محل ومع أي حدا، بتقدروا تحكوا عنه مع الخط:www.alkhat.org

المنشور الأصلي: انستغرام | فيسبوك